Zjarri në burgun e Rogozhinës, procedim penal për dy të dënuar
Drejtoria e Përgjithshme e Burgjeve (DPB) reagon zyrtarisht për ngjarjen e Rrogozhinës, ku si pasojë e një zjarri u asfiksuan 21 të burgosur dhe jeta e shumë të tjerëve u vu në rrezik. Aktualisht ka nisur procedimi penal për dy të dënuar, mbi të cilët bie akuza e shpërdorimit të pronës me zjarr.
"Pas sinjalizimit për rënie zjarri në ambientet e burgut, shërbimet e sigurisë së institucionit kanë marrë masat për neutralizimin dhe vënien e situatës nën kontroll. Kemi bashkëpunuar me Policinë dhe zjarrfikësit për të mbajtur gjendjen nën mbikëqyrje të plotë", thuhet në njoftimin zyrtar të DPB.
Nga zjarri u asfiksuan 21 të dënuar, të cilët u dërguan në spitalin e Kavajës, ndërsa dy prej tyre janë dërguar për mjekime më të specializuara në Durrës dhe Tiranë.
DPB njofton se po punohet për të përcaktuar shkaqet e rënies së zjarrit, ndërsa aktualisht situata është nën kontroll dhe e qetë. 78 të paraburgosur janë transferuar në Peqin.
Procedimi penal me akuzën e shkatërrimit të pronës me zjarr ka nisur për të dënuarit Jurgen Mucellari dhe Ledion Gjoka, të cilët dyshohen se janë autorë të zjarrvënies.
Recent Comments Widget